Handgreiflichkeitn

Schon gehört?
Sie können sich Ihre Nachrichten jetzt auch vorlesen lassen. Klicken Sie dazu einfach auf das Play-Symbol in einem beliebigen Artikel oder fügen Sie den Beitrag über das Plus-Symbol Ihrer persönlichen Wiedergabeliste hinzu und hören Sie ihn später an.
Artikel anhören:

Als Erschts: De "Prügelstrafe dinne dr Schul is lang längst ogeschafft und kaa Thema meh. Und kloar is aah, ass en Drwachsne, egoal obs e Lehrerin oder Erzieherin, obs e Lehrer oder e Erzieher is, nie "de Hand ausrutschn" därf. Des gieht aafach net! Ober de Meta hot trotzdem zwee wos auf Lager wos dodrmiet zammhängt: Winter woarsch und viel Schnie log. Wass dr Teifl wienooch, ober Früh sei e poar gressere Gunge vuer dr Hintertür zer Schul nei Streit gerotn und habn siech urndlich verschwarrt. Dr Schulleiter kimmt drzu, will se ausenannertoa. Dr öberschte von die Luder tut siech wehrn und verpasst san Schulchef en Schlog. Ass do kaa Raach aufgange is, verstieht siech. Dr Gung kunnt ja dinne dr Finster net seh, wen r do drwischt hatt. Und de Meta hot emol en Schüler e Schell verpasst, des is sue zugange: Iehr Hortgruppe hot Fosnet gefeiert, de Kinner von dr annern Gruppe ober net. Die wottn ober mietmachn. Itze habn se versucht, de Klassenzimmertür aufzekliezn. Nu des woar e Zeich! Dinn Zimmer de Oageputztn - daun de annern. Dinne die habn miet dr Meta de Tür zugehaltn, de annern habn miet aller Kraft drgegngestemmt. Miet aamol is des Tür aufgange und sue e gresserer Schüler hot dinn Gewörch dr Meta noan Busento gegriffn. Die zieht auf und klebbt ne aane. Noochert habn se siech zwe zweet oageguckt und musstn tüchtig lachn. Und gut woarsch! Ober s blabbt drbei: Kaa Kind wird oagegriffn! (rmö)

00 Kommentare

Die Diskussion wurde geschlossen.