E dumms Luder

Schon gehört?
Sie können sich Ihre Nachrichten jetzt auch vorlesen lassen. Klicken Sie dazu einfach auf das Play-Symbol in einem beliebigen Artikel oder fügen Sie den Beitrag über das Plus-Symbol Ihrer persönlichen Wiedergabeliste hinzu und hören Sie ihn später an.
Artikel anhören:

Heit hot de Meta scho ewing simpeliert, ob se des drzehln koa. Ober se getraut siechs. De Jaqueline woar be iehrer Freindin Petra ze Besuch. Die hot e Haus miet en schänn Gartn und zwee Hund. Lang droa dr Haustür is s Geramml luesgange. De Tschatscha und dr Ricky habn wie de Olbern getoa zer Begrüßing. Die senne nämlich dinn dr Jaqueline iehr beste Freindin (außer dr Petra natürlich). Die zwee Hund stamme ausn Tierheim. Ze erscht woar de Hündin do, ewing speeter dr Ricky. 10 Goahr habn se lang aufn Buckl. Wenn de Herrin auf Arbet is, kimmt kaa Langeweile auf, wenn se ze zweet sei.

Nu is also de Jaqueline ze Besuch gewesn. Meestens gieht se noochert jedn Tog miet alln beedn e längere Streck spaziern. An den an Tog woar de Tschatscha net gut drauf und wott drham bleibn. Ober dr Ricky hatt nischt gegn en Ausflug. Se sei grod imgekehrt und wottn wieder ham, do kimmt iehne doch e Hund ohne Leine und ganz ellaane entgegngeschossn. Allmächtiger is dr gunge Fraa angst wuern! Wos wird des fremme Tier ne Ricky oatoa? Nu goar nischt! E gutmütige Hündin is gewesn, die drham ausgerissn is, wall se laafig woar. Die hot ne Ricky imgarnt und drwart, ass der drgleichn tut. Der wott aah scho, ober hot siech esue dummdaamisch drbei ogestellt, ass de Hundedame abselut nischt drvoa hatt. Die Stell, die mietig is fr sue ewos , hot dr Daabhuber net gefunne. De Jaqueline hot siech ball zerrupft vuer Lachn be den Hie e Her. Aufn ganzn Hamweg is die verliebte Dame net vor dr Hack gange. Erscht vuer ne Gartntürle woar Ruh. (rmö)

00 Kommentare

Die Diskussion wurde geschlossen.