Alkohol

Schon gehört?
Sie können sich Ihre Nachrichten jetzt auch vorlesen lassen. Klicken Sie dazu einfach auf das Play-Symbol in einem beliebigen Artikel oder fügen Sie den Beitrag über das Plus-Symbol Ihrer persönlichen Wiedergabeliste hinzu und hören Sie ihn später an.
Artikel anhören:

Eigntlich wär des Goahr s 70te ze feiern. Sue lang is de Meta scho aus dr Schul raus. Weil ober beschlossn wuern is, miet ne 60tn aufzehärn, gobs kaa Klassentreffn meh. Des is sue goar net noochn Geschmack vor iehr gewesn - ober wos sells...

Vuer kurzn hot de Meta en Schulfreind getroffn, der miet seiner Fraa aus Leipzig do hier Urlaub gemacht hot. Nu is de Meta aufgezwickt und hot versucht iehre Leit zammzekriegn, die miet iehr jeds Treffn organisiert habn. Du meine Güte, do sei net viel überich gebliebn! Se sei när ze dritt gewesn dinn Falkenstaaner "Schloss-Cafe". Ober lustig is gewesn. Die Dreie sei bin Drzehln vorn Hunnertsten nein Tausentstn kumme und habn beschlossn, des ball wieder ze machn.

De Meta hot siech esue gefraat, ass se siech wieder emol getroffn habn, ass se siech zer Feier von den Tog hot hiereißn lossn, zwei "Russische Schokolade" miet Rum ze nemme. Scheißnei, die zwee Schluck schodn dr nischt, woar se siech sicher. Bis se drham nei is woarsch aah esue. Ober miet aamol is r dürmlich wuern. Wie des aufgehärt hot, is r wie speie wuern. Des is bis gegn halb elfe sue gebliebn bis dr Mogn endlich Ruh gebn hot. "Nu versalat nuch emol, kasst de denn goar nischt meh vertrogn?" Se kunnt siech goar nimmer beruhign, sue woar se enttäuscht vor siech. Ober sue is halt, wenn mr s ganze Goahr kann Alkohol trinkn tut und noochert plötzlich zwee Glessle Rum hinterkuttelt... (rmö)

Das könnte Sie auch interessieren
00 Kommentare

Die Diskussion wurde geschlossen.