Zeitdrfassing

Ach du Feierwehr! Do kimmt wos auf de vuegtländischn Betriebe zu, wenn des Gerichtsurteil vorn Europäischen Gerichtshof imgesetzt werdn muss, fr alle Mitarbeter de Arbetszeitdrfassing eizeführn. Sue nei, wie de Meta des siech gedacht hot ne Moantig noochn Lesn vor den Beitrog übern Test be "Seidel Moden", is die Sach goar net. Do is scho lang drüber gered wuern, ober itze wirds ebn ernst. Dr Meta iehr Schabberich Hans hot fast sei ganz Arbetslebn en Chip gehattn, miet den r belegn musst, wann r kumme und wann r gange is. Fr den is des nischt Besonders. Ober de Meta und viele annere kenne des net. Und wenn de Meta ehrlich iehr Maaning sogt, stieht se auf dr Seit vor dr ganzn Mannschaft von "Seidel Moden". Die kimmt gewieß aah watterhie ohne Arbetszeitdrfassing aus, wall se en Chef hot, der auf seine Leit stieht. Ober s gieht ja net när im den Betrieb. S gieht generell im ne Schutz dr Arbetnehmer. Wos falln do oft fr Überstunne oa, die niemand belegn koa. Und die net bezohlt werdn oder aafach net ogefeiert werdn känne, wall nie Zeit drführ do is aus Arbetskräftemangel.

Ass Tabelln nischt sei fr de Zeitdrfassing is kloar, des Eitrogn kost Zeit, und mr habn genung Papierkram überoll. Ober wie haaßts: Kimmt Zeit kimmt Rot. Mr werdn seh, wos aus alln wird. (rmö)

Bewertung des Artikels: Noch keine Bewertungen abgegeben
0Kommentare

Die Diskussion wurde geschlossen.



    Bitte schalten Sie ihren AdBlocker aus. An alle Adblocker

    Bitte schalten Sie ihren AdBlocker aus.
    Mehr erfahren Sie hier...