E klass Wunner

E poar Wochn vuer Weihnachtn sei zwee "Falkensteiner Anzeiger" auf e ganz weite Raas gange: nooch Melbourne in Australien. Ob se lang iehr Ziel drreicht habn? In dere heitign Zeit wirds lang dauern, ober de Meta hofft, ass alles gut gieht. Wie kimmt e Falkenstaanere drzu, en Brief noas annere End dr Welt zu schickn? Wall dort e 96gähriger Moa woahnt, der emol in Falkenstaa gelebbt hot. E ganze Kett von Zufälln hot drzugehärt, bis die Noochricht von den klann Wunner zer Meta kumme is. Woar des es Fraad! De Meta kunnts zeerscht goar net glaabn: Aus dr ehemolign grueßn jüdischn Gemeinde von Falkenstaa lebbt nuch jemand, koa siech an sei Haametstadt drrinnern, wass nuch de alten Stroßnnoame! 96 Goahr - e langs Lebn, des ne viel overlangt hot. Ober dr Andy Factor wie r itze haaßt, der nuch jedn Früh zwee Stunne Geig spielt und dinn Holocaust-Museum arbet, dürfts Beste draus gemacht habn. S neie Goahr sell ne jednfalls be bester Gesundheit drhaltn. (rmö)