Endlich

Ach, sei des herrliche Zeitn, wenn mr wieder zen Hoarmauser gieh koa! Itze hot des Wort de urndliche Bedeitung, denn s wird niemand gebn, der net de Hoar geschnietn kriegt, wenn r siech endlich bin Friseur zen Waschen noa ne Wasserschlauch setzn därf. Und nuch nie sei die Händ, da droa an rimmbattalign wohltuender gewesn wie bin erschtn Mol nooch die "gefühltn" x Monat Warterei! Scheiße is när, ass mr gleich nooch ne Waschn de allseits beliebte Nasen-Mund-Schutz-Maske wieder aufsetzn muss. De Meta hot ganz schie nooch Luft geschnappt, wie r bin Waschn dr Bauch zammgedrückt wuern is durch des Vornüberbeign. Ober des Vieh von Maske (tu när entschullign, mei Gute, du kasst ja goar nischt drfür) hot r ne Rest gebn be iehrer Frühblüherallergie. Do hots Otme nuch emol meh oagestrengt. Ober wos sells. Wos sei muss, des müssn mr halt drtrogn. Schließlich gehärt de Meta ja zer Risikogruppe wegn iehrn Alter und will siech net oasteckn. Wie se endlich iehr neie Frisur duebn Kopf hatt und siech dinn Spiegl präsentieren durft, koam se siech wie e Leinwandschönheit vier. Und dr Schabberich Hans, der nooch iehr droa woar, hat aah wieder ausgeseh wie e gepflegter Mensch und hot dr Meta gefalln. Itze fehlt när nuch, ass dinn dr ganzn Republik alle wieder emol schie oagezuegn nei de Gaststätten gieh känne, und ass de Besitzer und s Personal endlich ewing Licht droan Horizont senne, wall se arbetn und iehre Gäst bediene därfn. (rmö)


Einen Monat für
nur 1€ testen.
Verlässliche Informationen sind jetzt besonders wichtig. Sichern Sie sich hier den vollen Zugriff auf freiepresse.de und alle FP+ Artikel.

JETZT 1€-TESTMONAT STARTEN 
0Kommentare
Um zu kommentieren, müssen Sie angemeldet und Inhaber eines Abonnements sein.